“Koreyada ishlab chiqarilgan” serialining ikkinchi mavsumi treyleri chiqdi

Disney+ Xyon Bin va Chon U-son ishtirokidagi Janubiy Koreyaning kriminal trilleri “Koreyada ishlab chiqarilgan” serialining ikkinchi mavsumi uchun asosiy treylerni taqdim etdi.

Ikkinchi mavsum voqealari birinchi mavsum finalidan to‘qqiz yil o‘tib sodir bo‘ladi. Pek Ki-te (Xyon Bin) hokimiyat cho‘qqisiga ko‘tarilgan, biroq uning ambitsiyalari yanada kuchaygan. Prokuror Chan Gon-yon (Chon U-son) esa shu vaqt davomida javob zarbasiga tayyorgarlik ko‘rgan. Pek Ki-hyon (U Do-xvan) ham hokimiyat uchun o‘z yo‘lini tanlab, asta-sekin aka-ukalar o‘rtasida nizo yuzaga kelishiga sabab bo‘ladi.

Bosh rollarga Xyon Bin (Pek Ki-te), Chon U-son (Chan Gon-yon) va U Do-xvan (Pek Ki-hyon) qaytadi. Serial ustida yana ssenariynavis Pak In-gye va rejissyor U Min-ho ishlagan.

Yangi mavsum 9-sentabr kuni namoyish etiladi.