Vladimir Spivakovning xayriya konserti

Buxoro shahrida Minorai Kalon yonidagi Poi Kalon majmuasida SSSR xalq artisti, YUNESKO tinchlikparvar artisti Vladimir Spivakov boshchiligida Rossiya Milliy filarmoniya orkestrining xayriya konserti bo‘lib o‘tadi.

Orkestr Pyotr Chaykovskiyning “Uyqudagi malik”, “Qarsildoq” va “Oqqush ko‘li” baletlaridan syuitalar ijro etadi.

Kirish bepul.

Tashkilotchilar: O‘zbekiston Respublikasi Vazirlar Mahkamasi huzuridagi Madaniyat va san’atni rivojlantirish jamg‘armasi hamda Alisher Usmonov “San'at, fan va sport” xayriya jamg‘armasi.