"Jazzirama" konserti

“O‘zbekiston” xalqaro anjumanlar saroyi yonidagi maydonda Toshkentdagi VIII Xalqaro jaz festivali dasturi doirasida “Jazzirama” guruhi konserti boʻlib oʻtadi.

2013-yildan buyon guruh O‘zbekistondagi ko‘zga ko‘ringan jaz jamoalaridan biri hisoblanadi. “Jazzirama” o‘z ilhom manbaini o‘bek musiqa san’ati xazinasi bo‘lmish maqom va jahon mumtoz jazi nolalaridan oladi. Tinglovchilarni erkin jaz badihasi avjiga xos an’analar va zamonaviylik, yangi ohanglar sari intilish hamda Markaziy Osiyo madaniy ildizlari ustida ijodiy izlanishlarni o‘zida mujassam etgan jonli konsert dasturi kutmoqda.

Kirish bepul.

Tadbir tashkilotchisi: O‘zbekiston Madaniyat va san’atni rivojlantirish jamg‘armasi.