Ruminiya milliy liboslari ko'rgazmasi

O‘zbekiston Respublikasi Davlat amaliy san’at muzeyida Xalqaro rumin bluzkasi kuniga bag‘ishlangan milliy rumin liboslari ko‘rgazmasi bo‘lib o‘tadi.

Ko‘rgazmani Ruminiyaning O‘zbekiston Respublikasidagi Favqulodda va muxtor elchisi Daniel Kristian Chobanu va O‘zbekiston Respublikasi Davlat amaliy san’at muzeyi direktori Ismat Yusupovlar ochib berishadi.

Ruminiya xalqlarimizni yaqinlashtiradigan bo‘g‘in sifatida O‘zbekiston bilan barcha darajadagi, jumladan, madaniyat sohasidagi munosabatlarni rivojlantirishga katta e’tibor qaratmoqda. 2022-yil 8-dekabr kuni Ruminiyaning Toshkentdagi elchixonasiga O‘zbekiston Respublikasi bilan ikki tomonlama va ko‘p tomonlama munosabatlarni rivojlantirish va mustahkamlashga qo‘shgan hissasi uchun O‘zbekiston Respublikasi Tashqi ishlar vazirligidan minnatdorchilik maktubi qabul qilindi.

Tadbir Ruminiyaning O‘zbekiston Respublikasidagi elchixonasi tomonidan O‘zbekiston Respublikasi Davlat amaliy san’at muzeyi ko‘magida tashkil etilmoqda.

Kirish bepul.