Italiya mahsulotlari koʻrgazmasi

Toshkent fotosuratlar uyida “Dohiyona Italiya. Dizayn imkoniyatlari. Umumjahon e’tirof etilgan sanoat dizaynining goʻzalligi, oʻziga xosligi va ijodkorligi” nomli koʻrgazma boʻlib oʻtmoqda.

Koʻrgazma tomoshabinni oddiy obyektlar isteʼmolchisi sifatida emas, balki obyektlarning oʻzi orqali ijodkorni iste’dod, qobiliyat va salohiyatni namoyon etuvchi “inson” sifatida koʻrishni taklif qiladi. Italiyaning mashhur dizayn obyektlarini tanlash orqali Italiya sanoati va dizaynerlarining ijodi namoyish etiladi. Koʻrgazma shuningdek, Italiya Patent va tovar belgilari idorasida roʻyxatdan oʻtgan tovar belgilari va patentlarning boy merosini yoritadi.

Koʻrgazma uchun jami 72 ta mahsulot tanlab olingan. Ularning barchasi patentlangan obyektlar, ba’zilari nufuzli Compassod’Oro yoki faxriy mukofotlar sovrindorlari, boshqalari esa ADI indeksiga kiradi.

Kirish bepul.