Birinchi Buxoro biennalesi keng ko‘lamli fanlararo dasturni taqdim etadi

2025-yilning 5-sentyabridan 20-noyabriga qadar Buxoro shahrida “Qalblar dardiga darmon” birinchi zamonaviy san’at biennalesi bo‘lib o‘tadi. Tadbirda O‘zbekiston, Markaziy Osiyo va boshqa mamlakatlardan 70 dan ortiq rassomlar, hunarmandlar, dizaynerlar va oshpazlar ishtirok etadi.

Biennale kuratori Diana Kempbell, komissar Gayane Umerova. Dastur shaharning tarixiy joylari uchun maxsus yaratilgan ko‘rgazmalar, oshpazlik aksiyalari, mahorat darslari, simpoziumlar, musiqiy va she’riy chiqishlarni o‘z ichiga oladi.

Tadbir Buxoroning qayta ta’mirlangan tarixiy joylari — Xo‘ja Gavkushon ansambli, Ayozjon, Ulug‘bek Tamokifurush, Ahmadjon, Fotullajon karvonsaroylari va Rashid madrasasida bo‘lib o‘tadi. Shaharning me’moriy va hunarmandchilik merosini aks ettiruvchi ushbu maydonlar yangi madaniy tajriba maydoniga aylanadi.

“Oshqozon” kafesi — taomlar san’at va meditatsiya shakliga aylanadigan san’at maydoni alohida o‘rin tutadi. Ishtirokchilar orasida Chon Kvan, Subodh Gupta, Karsten Xeller, Layla Goxar va butun dunyodan 100 dan ortiq ustalar bor.

Biennale Buxoroning yangi madaniy tumanini yaratish va uning tarixiy merosini asrab-avaylashga yo‘l ochib, Markaziy Osiyodagi eng yirik madaniy tashabbuslardan biriga aylanishni va’da qilmoqda. Tadbir barcha uchun ochiq bo‘ladi, kirish bepul.