Oʻzbekistonning tabiiy merosi koʻrgazmasi

Toshkent fotosuratlar uyida “Oʻzbekistonning tabiiy merosi” nomli fotokoʻrgazma boʻlib oʻtmoqda.

Koʻrgazmada Oʻzbekistonning tabiiy merosi — gidrologik va geologik obyektlardan tortib biologik va paleontologik yodgorliklargacha boʻlgan boyligini namoyish etuvchi 60 ta fotosurat taqdim etilgan. Tashrif buyuruvchilar butun mamlakat boʻylab joylashgan suv resurslari, noyob landshaftlar, flora va fauna, tuproq xususiyatlari, shuningdek, tabiiy monumentlarni aks ettiruvchi kadrlarni koʻrishlari mumkin.

Fotosuratlar professional fotosuratchilar va iqtidorli havaskorlar tomonidan ishlangan.

Kirish bepul.