DJ King Macarella "Sumalak" nomli albom chiqardi

DJ King Macarella «Sumalak» nomli albomining chiqqani haqidagi xabar bilan o’rtoqlashdi. Albom 12 ta musiqani, jumladan, boshqa san’atkorlar bilan hamkorlikda yozilgan treklarni o’z ichiga oladi.

Yakkaxon konsertimdan ilhom oldim, yangi narsa yaratishni xohladim va milliy, zamonaviy musiqa ustida tajriba o‘tkaza boshladim. Albomning diqqatga sazovor joyi o‘zbek motivlari va texno uyg‘unligidir. Umid qilamanki, yangi musiqa barchaga yoqadi, chunki treklarda qalbimning bir bo’lagi bor", — dedi Shohrux Sirajev.

«Ustabobo» va «Vargan» treklarida qoraqalpoqcha musiqa motivlari, «Sumalak"da esa surxondaryocha motiv mavjud. «Doira» «Afsona"ning davomiga aylandi. Shohrux maqom notalarini «Ustaman», «Qilpillama», «Bibigul"da yangraydigan yangi formatda jonlantirgan. Muallifning so’zlariga ko’ra, eng qiziq trek bu arab madaniyati va Future janriga yuzlanuvchi «Ya Hababiy» musiqasidir.