Litres O‘zbekistonda kitoblar xizmatini yo‘lga qo‘ymoqda
10-iyuldan boshlab O‘zbekistonda Litres kitoblar xizmati ishga tushirildi. Katalogda o‘zbek tilidagi 1500 nomdagi kitoblar, shuningdek, xizmatda taqdim etilgan rus va boshqa tillardagi kitoblar mavjud.
2023-yil oxirigacha assortimentni 4000 ta elektron kitoblar va audiokitoblarga yetkazish rejalashtirilgan, bu esa foydalanuvchilarga mamlakatdagi raqamli asarlarning eng yirik katalogini taqdim etadi.
Hozirda 13 ta respublika nashriyoti, jumladan, eng yirik nashriyotlar: “Asaxiy kitoblar”, “Sharq”, “Adabiyot”, “Yangi asr avlodi” bilan shartnomalar tuzilgan. Kitoblarni Humo va Uzcard toʻlov tizimlaridan foydalangan holda toʻlovni qoʻllab-quvvatlaydigan Litres.uz veb-sayti hamda iOS va Android uchun mobil ilovasida donalab (ppd) xarid qilish mumkin.
Xizmatning o’zbek tilidagi versiyasi rus tilida mavjud bo’lgan ko’plab funksiyalarni amalga oshiradi. Xususan, xatcho’plarni qoldirish, sevimli iqtiboslarni shaxsiy kolleksiyaga saqlash va hokazo. O‘zbekiston bozorining o‘ziga xos xususiyatlarini inobatga olgan holda, xizmat kitoblarni ikki xil yozuv shaklida — bir vaqtning o‘zida lotin va kirill alifbolarida taqdim etadi. Katalogda esa asar janrini tanlash mumkin.
“Biz O‘zbekistondagi raqamli kitob bozori salohiyatini yuqori baholaymiz. Bizning tahlilarimizga ko‘ra, kelajakda uning mamlakatdagi quvvati yiliga 4−5 million dollarga yetishi mumkin. Bunga, birinchi navbatda, an’anaviy qog’oz kitoblar bozorida taqdim etilgan ko’p sonli nashriyotlar yordam bermoqda, ya’ni 40 ga yaqin. Bundan tashqari, biz Litres nashriyotlar va huquq egalariga ichki sotuvlardan tashqari geografik bozorlar boʻylab oʻquvchilarga kirish imkoniyatini taʼminlagan holda, litsenziyalangan elektron kitob va audiokitob formatiga ishonchning oshishini ham kutamiz. Bundan tashqari, O‘zbekistonda qog‘oz nashriyot sohasida qisman kuzatilayotgan „qaroqchilik“ holatlari fonida elektron va audio kitoblar formatini qonuniylashtirishni o‘zimizning asosiy vazifamiz deb bilamiz”, — deydi Sergey Anuryev, Litres kompaniyalar guruhi bosh direktori.
“O‘zbekistonda raqamli kitob bozori o‘sib borayotgani va rivojlanishi juda muhim, shu sababli biz ushbu xizmatni mamlakatda yo‘lga qo‘yish tashabbusini qo‘llab-quvvatladik. O’qish xulq-atvori qanchalik tez o’zgarib borayotgani va raqamli texnologiyalar rivojlanayotgani fonida elektron hamda audio kitoblar zamonaviy kitobxon hayotining ajralmas qismiga aylangan kontentni iste’mol qilish uchun qulay va amaliy formatdir. Litresda biz nashriyotimizda chiqadigan barcha asosiy yangiliklar va bestsellerlarni taqdim etamiz”, — deya qayd etadi Firuz Allaev, Asaxiy Books nashriyoti asoschisi.
Bundan tashqari, Litres O‘zbekistonning mahalliy auditoriyasi uchun eksklyuziv kontent (Originallar) yaratishni rejalashtirmoqda.