Dam olish kunlari harorat pasayadi

Bugun, 14-iyuldan boshlab Kavkazdan kirib kelayotgan havo respublika hududi bo‘yicha harakatini davom ettiradi va barcha joylarda issiq zaiflasha boshlaydi. Kunduzi havo harorati +35…+39 darajani tashkil etadi, eng chekka janubda +41…+44 darajagacha bo‘ladi, deb xabar bermoqda Uzgidromet matbuot xizmati.

Dam olish kunlari respublika hududining katta qismida harorat +33…+38 daraja atrofida bo‘ladi, faqat ba’zi joylarda +39…+40 darajaga yetadi.

14−16 iyul kunlari respublikaning barcha hududlari bo‘yicha asosan quruq va kam bulutli ob-havo bo‘lishi kutilmoqda. Ba’zi joylarda shamol tezligi 15−20 m/s gacha, ayrim joylarda chang-to‘zon bilan kuzatilishi mumkin.

Poytaxtimizda: 14−16 iyul kunlari asosan kam bulutli ob-havo bo‘ladi, yog‘ingarchilik kutilmaydi. Sharqiy shamol yo‘nalishini o‘zgartirib, g‘arbdan 3−8 m/s tezlikda esadi, 14-iyul kechga tomon va 15-iyulda 12−15 m/s gacha kuchayishi, ayrim joylarda chang-to‘zon bilan kuzatilishi mumkin.