"Yangi Nafas" xalqaro yugurish musobaqasi

Kichik Beshyog‘och ko‘chasida, “Humo Arena” saroyi yonida O‘zbekiston Respublikasi Mustaqilligi kuniga bag‘ishlangan “Yangi Nafas” xalqaro ommaviy yugurish musobaqasi bo‘lib o‘tadi.

Musobaqa quyidagi masofalarda o’tkaziladi:

• erkaklar va ayollar o’rtasida 10 km yugurish;
• erkaklar va ayollar o’rtasida 3 km masofaga yugurish.

Musobaqa shaxsiy birinchilik shaklida o’tkaziladi. Boshlanish vaqti: soat 6:30 da.

Tadbirda fuqaroligidan qat’i nazar, barcha xohlovchi sportchilar va havaskor yuguruvchilar ishtirok etishlari mumkin. Roʻyxatdan oʻtgan ishtirokchilar Oʻzbekiston yengil atletika federatsiyasi tomonidan taqdim etiladigan ishtirokchilar toʻplamiga ega boʻladilar.

Ishtirokchi paketiga quyidagilar kiradi:

• sport dasturining turiga muvofiq chipli start raqami;
• ryukzak;
• Futbolka (DryFit).

Ishtirokchi paketini olish uchun 2023-yil 1−2-sentabr kunlari soat 10:00 dan 18:00 gacha qabul qilish punktiga shaxsan borish va ro‘yxatdan o‘tgan ishtirokchining QR kodini ko‘rsatish kerak bo’ladi.

G‘olib va sovrindorlar tadbir tashkilotchilari va hamkorlari tomonidan qimmatbaho sovg‘alar bilan taqdirlanadilar.

10 km, 3 km yugurish musobaqasining barcha ishtirokchilari finish medallari bilan taqdirlanadi (10 km masofada qatnashgan sportchilar va havaskorlar belgilangan vaqt ichida masofani bosib o’tishlari kerak).

Ishtirok etish uchun to‘lov: 99 000 so‘mdan 149 000 so‘mgacha.
Chiptalarni iticket.uz sayti orqali xarid qilish mumkin.

Ma’lumot uchun telefonlar: (+998) 95−142−0184, (+998) 71−207−1071, (+998) 71−207−2072.