“Qozog‘iston madaniy merosi” nomli tadbir

“Navro‘z” bog‘ida “Qozog‘iston madaniy merosi” tadbiri bo‘lib o‘tadi. Tadbir an’analar, xalq amaliy san’ati va qozoq madaniyati qadriyatlari birligini targ‘ib qilishga qaratilgan.

Tadbir dasturidan folklor ansambllari va san’at ustalarining chiqishlari, milliy liboslar ko‘rgazmasi, chavandozlar, milliy taomlar va hunarmandchilik mahsulotlari yarmarkasi o‘rin olgan. Kecha so‘ngida mehmonlarga Qozog‘istondan kelgan mehmonlar — “Qagan” etno-fyujn ansambli ijrosi, shuningdek, dirijor Alibek Kabduraxmonov boshchiligida Jenisbek Piyazov va O‘zbekiston Milliy simfonik orkestri konserti taqdim etiladi.

Kirish bepul.