Hayit kuni Toshkent metropoliteni 04:00 dan ish boshlaydi

“Toshkent metropoliteni” DUK matbuot xizmati Ramazon hayiti kuni metro odatdagidan bir soat ertaroq, soat 04:00 dan ish boshlashini ma’lum qildi.

Shuningdek, bayram munosabati bilan belgilangan qo‘shimcha dam olish kunlarida (11,12,14-aprel) metro poyezdlari yakshanba kuni uchun tasdiqlangan jadvalda, 13-aprel sanasida (shanba — hamma uchun ish kuni) esa, odatiy ish kunlari uchun belgilangan grafik asosida soat 05:00 dan harakatlanadi, deya qo‘shimcha qilinadi xabarda.

Avvalroq O‘zbekistonda Ramazon hayiti 10-aprelda nishonlanishi va u bayram kunlari qanday ob-havo kuzatilishi ma’lum qilingandi.