Endi ATTO transport kartalarini faqat pochta boʻlimlaridan olish mumkin boʻladi

2024-yil 15-may kunidan boshlab poytaxtda joylashgan barcha transport karta sotish shaxobchalari faoliyati toʻxtatiladi, deya xabar berdi “Toshshahartransxizmat” axborot xizmati.

Endilikda ATTO transport kartalarini xarid qilish, hisobini toʻldirish va tarif sotib olish xizmatlari faqatgina Uzpost aloqa boʻlimlarida amalga oshiriladi.

ATTO ilovasi (Android uchun, IOS uchun) orqali esa yuqoridagi amallarni onlayn amalga oshirish mumkin.

Avvalroq, Afisha.uz Toshkent jamoat transportida yoʻl haqidan tejashning 3 usuli haqida maxsus qoʻllanmani e’lon qilgan edi.