Viloyatlararo-shaharlararo yo‘nalishlarda yangi avtobus qatnovlari yo‘lga qo‘yiladi

17-avgustdan boshlab bir qator yangi yoʻnalishlarda avtobuslar qatnovi boshlanadi, deya xabar bermoqda Transport vazirligi matbuot xizmati.

Ta’kidlanishicha, quyidagi kunlardan boshlab yangi yoʻnalishlarda muntazam avtobus qatnovlari yoʻlga qoʻyiladi:

• 17-avgust kunidan Toshkent — Shahrisabz — Kitob, Toshkent — Yangiyer yo‘nalishida;
• 22-avgustdan Toshkent — Qarshi — Koson, Toshkent — G‘uzor — Qamashi yo‘nalishida;
• 23-avgust kunidan esa Toshkent — Boysun yo‘nalishida.

Yo‘lovchilar borish va qaytish chiptalari elektron tarzda avtoticket.uz sayti hamda ATTO, UzBUS mobil ilovalari orqali sotib olishi mumkin.