Talabalar poyezd chiptalarini sotib olishi uchun sayyor kassalar tashkil qilindi
E’lon qilingan sana: · 517
Toshkent shahridagi ikkita oliy ta’lim muassasasida sayyor kassalar tashkil etildi. Ular orqali talabalar temir yo‘l hamda avtobus qatnovlariga chiptalarni sotib olishlari mumkin, deya xabar bermoqda Transport vazirligi axborot xizmati.
Sayyor kassalar quyidagi manzillarda tashkil etilgan:
- O‘zbekiston milliy universitetining o‘zbek filologiyasi fakulteti binosi, 1-qavat;
- Toshkent davlat iqtisodiyot universiteti A-binosi (Sobiq Toshkent moliya instituti binosi).
Bu yilgi qishki ta’til talabalar uchun 25-dekabr, chorshanba kunidan boshlanadi. Avvalroq talabalar uchun poyezd chiptalariga 50 foizgacha chegirma e’lon qilingani haqida xabar bergandik.