O‘zbekistonda 2025-yildan sirtqi ta’limga qabul to‘xtatiladi

Oʻzbekistonda 5-may kuni ta’lim sifatini oshirishga qaratilgan yangi farmon imzolandi. U 6-maydan kuchga kiradi.

Farmonning asosiy gʻoyalari:

• maktablar va oliy o‘quv yurtlari ustidan yangi nazorat — ta’lim sifatini baholashning aniq va shaffof mezonlari joriy etiladi;
• oʻqituvchilar malakasini oshirish — muntazam kurslar va treninglar oʻqituvchilarga zamonaviy usullarni oʻzlashtirishga yordam beradi;
• ta’limni raqamlashtirish — onlayn resurslar va elektron darsliklarni faol joriy etish rejalashtirilgan;
• barcha bolalarning sifatli ta’lim olishi uchun bilimdan teng foydalanishi hamda chekka qishloqlardagi maktab va kollejlarga alohida e’tibor qaratish.

Mazkur hujjatga ko‘ra, O‘zbekistonda oliy o‘quv yurtlarida sirtqi ta’lim bosqichma-bosqich bekor qilinadi, endi talabalar bunday dasturlarga qabul qilinmaydi. Buning oʻrniga masofaviy ta’limning yangi shakllari paydo boʻladi.

Nimalar oʻzgarmoqda:

• 2025/2026 o‘quv yilida O‘zbekistonda sirtqi ta’limga qabul to‘xtatiladi;
• buning oʻrniga onlayn va masofaviy ta’lim shakllari ishlab chiqiladi, bunda talaba masofadan turib, lekin yangi standartlarga muvofiq oʻqishi mumkin;
• sirtqi boʻlimda oʻqiyotgan talabalar oʻqishni yakunlashi mumkin — hech kim ularni oʻqishdan chetlatmaydi;
• taʼlimning moslashuvchanligini saqlab qolish va uning sifatini oshirish maqsadida universitetlarga bosqichma-bosqich zamonaviy raqamli texnologiyalarga oʻtish boʻyicha topshiriq berildi.

Bularning barchasi nima uchun kerak:

• sirtqi ta’lim, mutasaddilarning fikricha, eskirgan va zamon talablariga javob bermaydi;
• ayniqsa, texnik va amaliy mutaxassisliklar boʻyicha zaruriy tayyorgarlik darajasini ta’minlamaydi;
• onlayn format oʻquvchilarga interfaol materiallar, video ma’ruzalar va onlayn yordamdan foydalanish imkoniyatini berib, sifatni koʻproq nazorat qilish imkonini beradi.

Endi nima boʻladi:

• 2026-yildan boshlab barcha oliy o‘quv yurtlari to‘liq yangi tizimga — kunduzgi, kechki va masofaviy ta’lim shakllariga o‘tishi kerak;
• Oliy taʼlim vazirligi va boshqa idoralar hozirda onlayn taʼlimning yangi qoidalari va platformalarini ishlab chiqmoqda;
• shuningdek, masofadan turib tahsil olayotgan talabalar bilimi sifati va baholashning yagona standartlarini joriy etish rejalashtirilgan.

Belgilangan maqsad — ta’lim tizimini yanada zamonaviy va xalqaro standartlarga yaqinlashtirish.

Farmonning toʻliq matni bilan ushbu saytda tanishish mumkin.