Toshkent shahar hokimligi changli shamol sabab ehtiyotkorlikka chaqirdi

Toshkent shahri hokimligi poytaxtda kuzatilayotgan kuchli shamoldan ogohlantirdi.

Qayd etilishicha, ob-havo sharoitining yomonlashuvi sababli simlarning uzilishi, daraxtlarning qulashi va havoda chang miqdori ko‘payishi mumkin.

Shu sababdan quyidagilarga alohida e’tibor berish soʻraladi:

• avtomobillarni daraxtlar va elektr uzatish liniyalari ostida qoldirmaslik;
• ko‘chada yurishni cheklash, ayniqsa allergiya yoki changga yuqori sezuvchanlik bo‘lsa;
• shahar bo‘ylab harakatlanishda ehtiyotkor bo‘lish.

Favqulodda vaziyatlar yuz berganda ushbu telefon raqamlariga murojaat qilish mumkin: 1050, 1055, (71) 212−69−80, (71) 212−69−82.