Foto: Zaamin Ultra xalqaro ultramarafoni qanday oʻtdi?
14 va 15-iyun kunlari Zomin milliy tabiat bog‘ida beshinchi marta Zaamin Ultra xalqaro ultramarafoni bo‘lib o‘tdi. Ikki kun davomida tadbir 17 mamlakatdan 3500 dan ortiq ishtirokchi va mehmonlarni o‘ziga jalb etdi.
80 nafar sportchi 50 km ultramarafon masofasida oʻzini sinab koʻrdi. Yangi 5K masofaga 1000 dan ortiq ishtirokchi ro‘yxatdan o‘tdi.
Zaamin Ultrada birinchi marta bolalar yugurish musobaqalari o‘tkazildi. Tadbirning birinchi kunida jajji sportchilar uchun 60, 300, 600 va 1000 metr masofalar taqdim etildi. Har bir bola ishtirok etgani uchun o‘z medalini va tashkilotchilar sovg‘asini oldi.
“Zaamin Ultra xalqaro sport tadbirlarini tashkil etish va qamrab olish bo‘yicha zamonaviy talablarga javob beradigan standartlarda o‘z mavqeini ishonchli tarzda mustahkamlamoqda. Zomin milliy tabiat bog‘idagi ultramarafon 17 mamlakatdan kelgan ishtirokchilar uchun jozibador nuqtaga aylanganidan va sport, madaniyat hamda barqaror amaliyotlarni birlashtiruvchi platforma sifatida rivojlanishda davom etayotganidan mamnunmiz. Biz bunday keng ko‘lamli tadbirlar orqali madaniy muhitni targ‘ib qilish va rivojlantirishga hissa qo‘shadigan tashabbuslarni qo‘llab-quvvatlashda davom etamiz,” — dedi O‘zbekiston Madaniyat va san’atni rivojlantirish jamg‘armasi raisi Gayane Umerova.
Zaamin Ultra 2025-yildan boshlab SheRACES assotsiatsiyasi tomonidan akkreditatsiyadan o‘tgan Samarkand Marathon yugurish turkumiga kiradi. Asosiy vazifa — sport tadbirlarida, ayniqsa, uzoq masofalarga yugurishda teng huquq va inklyuziyani ta’minlashdan iborat.
SheRACES assotsiatsiyasining yo‘riqnomalari tashkilotchilar tomonidan diqqat bilan kuzatib borilmoqda, Zaamin Ultrada birinchi marta ayollar uchun alohida futbolkalar taqdim etildi.
“ZAAMIN ULTRA beshinchi marta o‘tkazilmoqda, bu biz uchun muhim bosqich bo‘lib, ishtirokchilarimizga yangi masofalar, bolalar yugurish musobaqalari, SheRACES akkreditatsiyasi, ekologik dasturni kengaytirish imkonini berdi. Zomin milliy tabiat bog‘iga 3500 dan ortiq kishi tabiatning kuchini, o‘zining va jamoaning kuchini his qilish hamda hamfikrlar qatorida bo‘lish uchun keldi. Bu yil biz bilan bo‘lgan barchaga rahmat, biz siz bilan birga o‘sishda davom etmoqdamiz,” — dedi Mirxan Sagitov, O‘zbekiston Madaniyat va san’atni rivojlantirish jamg‘armasining “Maxsus loyihalar” guruhi menejeri, Samarkand Marathon yugurish musobaqalari turkumi kuratori.
Samarkand Marathon “Avvalgidan tozaroq” yugurish turkumining ekologik tashabbusiga alohida e’tibor qaratildi. 14-iyun kuni an’anaviy plogging (yugurish paytida chiqindini yig‘ish) o‘tkazildi. Yugurish joyida ro‘yxatdan o‘tgan holda bepul o‘tkaziladi. Keng ko‘lamli sport tadbiri o‘tkazilgandan so‘ng chiqindilar yig‘ilib, qayta ishlashga yuborildi. Tashkilotchilar ishtirokchilarni tadbirda plastik miqdorini kamaytirish uchun o‘zlari bilan termokrujkalar va termoslarni olib kelishga chaqirdilar, shuningdek, 50K va 21K masofalari ishtirokchilari uchun start paketida ovqatlanish joylarida foydalanish uchun silikon stakanlar taqdim etildi. Bu qadamlarning barchasi ultramarafon o‘tkaziladigan joyni avvalgiga qaraganda tozaroq qoldirish imkonini beradi.
Birinchi kun ochiq osmon ostidagi elektron musiqa konserti bilan yakunlandi. Unda DJ ITNI, DJ ISL va Doppi Twin dueti ishtirok etdi. Zomin milliy tabiat bog‘i platosining ajoyib atmosferasi qorong‘i tushishi bilan o‘zgardi va ultramarafonning minglab ishtirokchilari hamda mehmonlariga eng yorqin his-tuyg‘ularni taqdim etdi.
Zaamin Ultra ultramarafoni ishtirokchilari va mehmonlari uchun kemping, Zomin milliy tabiat bog‘iga panoramali ko‘rinishga ega havo sharida ko‘tarilish va turli xil nonushtalar, issiq taomlar, qahva va pishiriqlar bilan jihozlangan fudkort hududi tashkil etildi.
“ZAAMIN ULTRA beshinchi marta o‘tkazilmoqda, bu biz uchun muhim bosqich bo‘lib, ishtirokchilarimizga yangi masofalar, bolalar poygalari, „SheRACES“ akkreditatsiyasi, ekologik dasturni kengaytirish imkonini berdi. „Zomin“ milliy tabiat bog‘iga 3,5 mingdan ortiq kishi tabiat kuchini, o‘zining, jamoaning kuchini his etish va hamfikrlar safida bo‘lish uchun tashrif buyurdilar. Bu yil biz bilan bo‘lgan barchaga tashakkur, siz bilan birga o‘sishda davom etamiz”, — Mirxon Sagitov, O‘zbekiston Madaniyat va san’atni rivojlantirish jamg‘armasining Maxsus loyihalar guruhi menejeri, “Samarkand Marathon” yugurish musobaqalari turkumi muvofiqlashtiruvchi rahbari.
“Samarkand Marathon” turkum yugurish musobaqalarining “Avvalgidan tozaroq” ekologik tashabbusiga alohida e’tibor qaratildi. 14-iyunda an’anaviy plogging (yugurish barobaridachiqindilarni to‘plash) tadbiri bo‘lib o‘tdi. Ushbu yugurish turi bepul bo‘lib, o‘tkaziladigan joyning o‘zida ro‘yxatdan o‘tiladi. Keng ko‘lamli sport tadbiri o‘tkazilgandan so‘ng chiqindilar yig‘ilib, qayta ishlashga yuborildi. Tashkilotchilar ishtirokchilarni tadbirda plastik miqdorini kamaytirish uchun o‘zlari bilan termokrujka va termoslarni olib yurishga chaqirdilar, shuningdek, 50K va 21K masofalari ishtirokchilari uchun start to‘plamida tamaddi shoxobchalarida foydalanish uchun silikon stakanlar taqdim etildi. Ushbu ezgu qadamlarning barchasi ultramarafon o‘tkaziladigan joyni avvalgiga qaraganda toza saqlash imkonini beradi.
Zaamin Ultra 2025 g‘oliblarining ism va familiyalari mazkur havola orqali mavjud.
Tadbir tashkilotchisi: O‘zbekiston Madaniyat va san’atni rivojlantirish jamg‘armasi