Toshkentda 14 ta avtobus yoʻnalishi vaqtincha oʻzgartirildi

Poytaxtda qurilish ishlari olib borilayotgani munosabati bilan Shota Rustaveli ko‘chasining “Grand Mir” mehmonxonasidan Bobur ko‘chasigacha bo‘lgan qismidagi avtobus yo‘nalishlariga vaqtinchalik o‘zgartirishlar kiritilmoqda.

Hududda 18, 38, 58, 81-sonli yo‘nalishlar uchun shahar markazi tomon bir tomonlama harakat tashkil etiladi:

• 18-sonli yo‘nalish — Bobur → Nukus → Mirobod;
• 38-sonli yo‘nalish — Muqimiy → Nukus → Oybek;
• 58-sonli yo‘nalish — Bobur → Nukus → Oybek.

Boshqa oʻzgarishlar:

• 57, 98-sonli yo‘nalishlar- Yusuf Xos Hojib → Bobur;
• 67-sonli yo‘nalish — Oybek → Shahrisabz → Mirobod → Nukus (ikkila yo‘nalishda);
• 81-sonli yo‘nalish (Qo‘yliq bozori tomon) — Yusuf Xos Hojib → Bobur;
• 2, 12, 40, 45, 80, 94, 127-sonli yo‘nalishlar — Muqimiy ko‘chasi bo‘ylab Bobur koʻchasidan Shota Rustaveli koʻchasigacha.

Haydovchilar va yo‘lovchilar tirbandlik yuzaga kelishi hamda transport vositalari harakatlanish oralig‘i uzayishi ehtimoli haqida ogohlantirilmoqda. Zarurat tug‘ilganda, yo‘nalishlar qo‘shimcha ravishda o‘zgartirilishi mumkin.