Toshkentdagi beshta ko‘chada tezlikni 80 km/soatgacha oshirilishi mumkin

Poytaxtning Bunyodkor, Sebzor, Ahmad Donish ko‘chalari, shuningdek, Moskva halqa yo‘li va Yangi O‘zbekiston ko‘chasida tezlikni 80 km/soatgacha oshirish taklif etildi. Bu haqda Ichki ishlar bosh boshqarmasi Yo‘l harakati xavfsizligi boshqarmasi boshlig‘i o‘rinbosari Elmurod Alimov ma’lum qildi.

Hozir Toshkentda 2023-yil bahorida joriy qilingan tezlikni 60 km/soatga oshirish cheklovi belgilangan.

Shuningdek, 12 ta ko‘chada (ro‘yxat ko‘rsatilmagan) bir tomonlama harakatlanishni joriy etish va 500 ta svetoforni elektr energiyasi uzilishi vaqtida yana 5−6 soat ishlashi uchun uzluksiz quvvat manbai bilan jihozlash taklif etilmoqda.

Tashabbuslar tirbandlikni kamaytirish, harakat xavfsizligini oshirish va yo‘l infratuzilmasini yaxshilashga qaratilgani aytilmoqda. Yangi cheklovlar va choralarni joriy etish muddati hali e’lon qilinmagan.