Toshkentda 1-sentyabrdan 3 ta avtobus yo‘nalishi o‘zgardi

1-sentyabrdan boshlab 15, 28 va 61-sonli avtobus yo‘nalishlari faoliyatiga o‘zgartirishlar kiritildi.

15 — “Qoʻyliq-1” massividan “Doʻstlik” metro bekatigacha harakatlanayotganda avtobuslar “Toshkent-Fargʻona-Toshkent” avtoturargohiga yetib bormasdan Qoʻyliq bozori yonidagi koʻprikdan oʻtadi.

28 — Tibbiyot akademiyasidan Yangiobod massivi tomon harakatlanishda avtobus endi Shohimardon, Ohangaron yo‘li, Shohsanam va Katta Yangiobod ko‘chalari bo‘ylab harakatlanadi. Katta Yangiobod ko‘chasida harakat faqat bir yo‘nalishda tashkil etiladi.

61-sonli avtobuslar Beshariq, Aviasozlar va Xosiyat ko‘chalariga kirmasdan, Izzat ko‘chasi bo‘ylab ikki yo‘nalishda harakatlanadi.

Oʻzgartirishlar Toshkent shahrida yoʻlovchi tashish xavfsizligini taʼminlash va jamoat transporti harakatini optimallashtirish bilan bogʻliq ekani taʼkidlandi.