Oʻzbekistonlik 130 yoshli momo Ginnes rekordlar kitobiga kiritilishi mumkin
E’lon qilingan sana: · 36
Oʻzbekistonda birinchi marta 130 yoshli momoning tugʻilganlik fakti belgilandi. Endi u Ginnes rekordlari kitobiga kiritilishi mumkin. Bu haqda Adliya vazirligi matbuot xizmati xabar berdi.
Qayd etilishicha, Fargʻona viloyatining Buvayda tumani, “Qoraqum” mahallasida yashovchi 1895-yilda tug‘ilgan Umarova (Toshmatova) Huvaydo momoning tug‘ilishi qayd etilmagan.
Tumanda oʻtkazilgan sayyor sud majlisida Huvaydo momoning 1895-yil 1-yanvarda Buvayda tumanida tugʻilganlik fakti belgilandi. Shu tariqa Umarova (Toshmatova) Huvaydo Oʻzbekistonning eng yoshi katta fuqarosi hisoblanadi.