Toshkentda harbiy parad boʻlib oʻtadi, bir nechta koʻchalarda transport harakati cheklanadi

O‘zbekiston Respublikasi Davlat bayrog‘i qabul qilinganligining 34 yilligi munosabati bilan 18-noyabr kuni Toshkentning asosiy ko‘chalarida Mudofaa vazirligi va Milliy gvardiya harbiy bo‘linmalarining tantanali piyoda yurishlari o‘tkaziladi.

Tadbir soat 15:00 da “G‘alaba bog‘i” yodgorlik majmuasida boshlanadi. Harbiy xizmatchilar ko‘rgazmali chiqishlar, jangovar chaqiriq namoyishi hamda harbiy orkestr difele ijrolarini taqdim etadi.

Harakat yo‘nalishi:

“G‘alaba bog‘i” — O‘zbekiston davlat tabiat muzeyi — “Chorsu” bozori — Toshkent sirki — “Xalqlar do‘stligi” san’at saroyi.

Tadbir munosabati bilan 15:00—17:00 oralig‘ida quyidagi ko‘chalarda avtotransport harakati vaqtinchalik cheklanadi:

• Qora Qamish — Sag‘bon chorrahasi
• KXAY — Sag‘bon chorrahasi
• Nurafshon — Sag‘bon chorrahasi
• Zarqaynar aylanma yo‘li — Zarqaynar — Alisher Navoiy chorrahasi
• Alisher Navoiy — Furqat — Islom Karimov chorrahasi
• Furqat — Beshyog‘och chorrahasi

Yo‘l harakati vaqtinchalik cheklanishi munosabati bilan yuzaga kelishi mumkin bo‘lgan noqulayliklar uchun uzr so‘raladi. Haydovchilarga aylanma yo‘llardan foydalanish tavsiya etiladi.