Ertaga Oʻzbekiston MTJ oʻyini sabab davlat tashkilotlarida ish vaqti bir soat kech boshlanadi

Futbol boʻyicha Oʻzbekiston terma oʻyini sabab 18-iyun kuni davlat tashkilotlarida ish vaqti soat 10:00 da boshlanadi. Bu haqda prezident matbuot kotibi Sherzod Asadov ma’lum qildi.

Guruh bosqichi 1-turidan oʻrin olgan Oʻzbekiston-Kolumbiya uchrashuvi Toshkent vaqti bilan 18-iyun kuni soat 07:00 da boshlanadi.

“Prezidentimiz ertangi matchni uyda, oila davrasida, nabiralari bilan tomosha qiladilar. 18-iyun kuni barcha davlat tashkilotlarida ish vaqtini soat 10 da boshlanishini belgilab berdilar”, — dedi Sherzod Asadov.

Bundan tashqari, terma jamoa sardori Eldor Shomurodov ham bu boʻyicha murojaat yoʻllagandi.

“18-iyun kuni Oʻzbekiston uchun tarixiy kun. Shu kuni biz Kolumbiyaga qarshi ertalabgi 07:00 dan 09:00 gacha oʻyin olib boramiz. Sizlardan iltimosim shuki, shu kuni ishchilaringizga ishga kechikib kelishiga ruxsat berasiz, degan umiddamiz. Chunki ularning qoʻllab-quvvatlashi biz uchun juda ham muhim”, — dedi Shomurodov.

Ma’lumot uchun, uchrashuv “Bunyodkor” stadioni hududida katta ekranlarda translyatsiya qilinadi. Shuningdek, Toshkent shahridagi boshqa tumanlarda ham uchrashuvni katta ekranlarda tomosha qilish mumkin boʻlgan hududlar roʻyxati e’lon qilingandi.