Rekord narxdagi Labubu: 131 sm oʻyinchoq 150 300 dollarga sotildi

Pekinda tarixda ilk marta Labubu kolleksion figuralari — Pop Mart’ning vinil “blind box"lariga bag‘ishlangan auksion bo‘lib o‘tdi. Asosiy lot — och firuza rangidagi 131 santimetrli ulkan o‘yinchoq — 1,08 million yuanga (taxminan 150 300 dollar) sotildi, bu esa bunday kolleksiyalar narxining yangi jahon rekordini o‘rnatdi.

Yongle International tomonidan uyushtirilgan kim oshdi savdosida 48 ta lot, jumladan 40 smlik uch dono Labubu haykalchalari ham namoyish etildi, ular ham oʻz xaridorlarni topib, 510 000 yuanga (≈ 71 095 dollar) sotildi. Zalda 200 ga yaqin odam bor edi va yana mingdan ortiq ishtirokchi onlaynda tarzda qatnashdi. Savdoning umumiy summasi taxminan 3,73 million yuanni (≈ 519 962 dollar) tashkil etdi.

Labubu 2015-yilda rassom Kasing Lung tomonidan yaratilgan dizaynerlik oʻyinchogʻi boʻlib, u 2019-yildan beri “blind box” shaklida sotuvga chiqarilayotgani tufayli mashhur boʻldi. Uning dizayni, personajlari va trendga aylanishi haqida batafsil oldingi maqolamizda yozgan edik.Blackpink guruhi a’zosi Lisa va Devid Bekxem singari mashhurlar u bilan jamoat joylarida ko‘ringanish bergandan so‘ng, bu katta shov-shuvga sabab bo‘ldi.

Yana nimalarni bilish kerak:

• narxi boʻyicha ikkinchi oʻrindagi 152 santimetrli jigarrang labubu haykalchasi 130 000 dollardan oshiq narxga sotildi;
• kim oshdi savdosidan tushgan umumiy daromad taxminan 519 000 dollarni tashkil etdi;
• auktsion uyi Labubu tadbirlarini muntazam oʻtkazish rejalarini e’lon qildi;
• Toʻplamli “blind box” lar auktsion oldidan taxminan 50 yuanga (~ $7) sotilgan.

Ushbu muvaffaqiyatli va qimmat sotuv tajribali kolleksionerlar va muxlislar noyob o‘yinchoqlar uchun katta miqdorda pul to‘lashga tayyor ekanliklarining yaqqol dalilidir. Labubu bolalar mahsulotidan san’at bozori va madaniy hodisa obyektiga aylandi.