Toshkent xalqaro aeroportida Safia kafesi ochildi
E’lon qilingan sana: · 1 725
Toshkent xalqaro aeroportida Safia qandolatchilik tarmog‘ining kafesi ochildi. Bu haqda Uzbekistan Airports axborot xizmati xabar berdi.
Yangi ovqatlanish nuqtasi aeroport majmuasining ikkinchi qavatida, jo‘nash zalining “steril” hududida, B5-B7 chiqish yo‘laklarida joylashgan va kechayu-kunduz faoliyat olib boradi. Kafe menyusida issiq va sovuq ichimliklar, pishiriqlar, sendvichlar, salatlar va shirinliklar bor.
Xabar berilishicha, “Dota Baraka Pro” kompaniyasi E-auksion.uz elektron platformasidagi kim oshdi savdosida g‘olib bo‘lgan.