O‘zbekistonlik sambochilar Jahon kubogida 18 ta medalga ega chiqdi
E’lon qilingan sana: · 159
Qirg‘izistonda sambo bo‘yicha Jahon kubogi nihoyasiga yetdi. Unda O‘zbekiston terma jamoasi umumiy hisobda 18 ta — 3 ta oltin, 8 ta kumush va 7 bronza medallarini qo‘lga kiritdi. Bu haqda Yoshlar siyosati va sport vazirligi xabar berdi.
22−23-avgust kunlari o‘tkazilgan musobaqada dunyoning turli mamlakatlaridan sambochilar 24 ta vazn toifasida sovrinli o‘rinlar uchun kurash olib bordi. Musobaqa yakuniga ko‘ra, O‘zbekiston terma jamoasi medallar bo‘yicha Rossiya va Qozog‘istondan keyin 3-o‘rinni egalladi.