Osiyo Kubogi. O‘zbekiston Tailandni mag‘lub etgan holda keyingi bosqichga yo‘l oldi
![Osiyo Kubogi. O‘zbekiston Tailandni mag‘lub etgan holda keyingi bosqichga yo‘l oldi](/uploads/media/2024/01/58c5991370a62fc8cc099adf17dcaf13_l.jpg)
Qatarda o‘tayotgan futbol bo‘yicha Osiyo Kubogi nimchorak final bosqichida O‘zbekiston milliy terma jamoasi Tailand bilan bahs olib bordi. O‘yin o‘zbekistonliklar foydasiga hal bo‘ldi.
O‘yinning 37-daqiqasida o‘zbekistonlik futbolchi Azizbek Turg‘unboyev Diyor Holmatovning uzatmasidan so‘ng hisobni ochdi. Birinchi bo‘lim so‘nggigacha tabloda shu hisob saqlanib qoldi.
Ikkinchi bo‘limning 58-daqiqasida zaxiradan o‘yinga tushgan tailandlik Sarachat Supachok hisobni tenglashtirdi — 1:1. Oradan 7 daqiqa o‘tib, Abbosbek Fayzullayev raqib darvozasiga gol kiritdi va O‘zbekiston jamoasini 2:1 hisobda oldinga olib chiqdi. O‘yinning asosiy qismida boshqa aniq o‘zgarish bo‘lmadi. Bosh hakam 7 daqiqa qo‘shimcha vaqt berdi. Yakunda milliy terma jamoa 2:1 natija bilan Tailand futbolchilari ustidan g‘alaba qozondi.
Endi O‘zbekiston terma jamoasi chorak final o‘yinini 3-fevral kuni musobaqa mezboni — Qatar terma jamoasiga qarshi o‘tkazadi (Qatar ¼ finalga Falastinni 2:1 hisobida yengib, chiqdi).
Milliy terma jamoa guruh bosqichini mag‘lubiyatsiz yakunlagandi — Hindiston ustidan g‘alaba, Suriya va Avstraliya bilan durang.