Toshkentda Yilqichilik va ot sporti federatsiyasining yil yakunlariga bag‘ishlangan konferensiyasi bo‘lib o‘tdi
Toshkentda Yilqichilik va ot sporti federatsiyasi yil sarhisobini o‘tkazdi. Tadbirda natijalar tahlil qilinib, eng yaxshilar taqdirlandi va tantanali kechki ovqat bo‘lib o‘tdi.
Joriy yilning 14-dekabr kuni Temir yo‘lchilar saroyida O‘zbekiston Yilqichilik va ot sporti federatsiyasi faoliyatiga bag‘ishlangan yil yakunlari bo‘yicha konferensiya bo‘lib o‘tdi. Tadbir davomida joriy yilda amalga oshirilgan ishlar yuzasidan hisobot taqdim etildi, erishilgan natijalar tahlil qilindi hamda kelgusi yil uchun ustuvor vazifalar belgilab olindi.
Shuningdek, yil davomida yuqori natijalarga erishgan sportchilar, murabbiylar va Federatsiya faoliyatiga munosib hissa qo‘shgan hamkorlar turli nominatsiyalar bo‘yicha taqdirlandi.
Konferensiyadan so‘ng, Federatsiya an’anasiga muvofiq, har yili o‘tkazib kelinadigan tantanali kechki ovqat tashkil etildi. Unda Federatsiya rahbariyati, sportchilar, murabbiylar hamda faxriy mehmonlar ishtirok etdi. Kechki ovqat rasmiy va bir vaqtning o‘zida samimiy muhitda o‘tib, yil davomida erishilgan yutuqlarning mantiqiy yakunlanishiga aylandi.
Tadbir ishtirokchilari Federatsiya jamoasining birdamligi va hamjihatligini yana bir bor namoyon etib, kelgusi yildagi rejalar va yangi sport yutuqlari yuzasidan fikr almashdi.
Reklama huquqlari asosida.