O‘zbekiston jahon tent-pegging sportida o‘z mavqeini mustahkamlamoqda
3-4-aprel kunlari Ummonning Maskat shahrida tent-pegging xalqaro federatsiyasining bosh assambleyasi bo‘lib o‘tdi. Unda sportni rivojlantirish va jahon chempionatlariga saralash mezonlari bilan bog‘liq muhim masalalar muhokama qilindi.
O‘zbekiston delegatsiyasiga tent-pegging, ot ustida kamondan otish va jigitovka federatsiyasi prezidenti Bahromjon Gaziyev boshchilik qildi.
Uning assambleyadagi faol ishtiroki mamlakatning xalqaro sport hamjamiyatiga yanada chuqur integratsiyalashishga intilayotganini ko‘rsatdi.
Assambleya doirasida ijroiya qo‘mitasiga saylovlar o‘tkazildi va u qariyb 27% ovoz to‘plab, qo‘mita a’zoligiga saylandi.
O‘zbekiston vakilining ITPF rahbariyatiga kirishi milliy tashabbuslarni ilgari surish, xalqaro hamkorlikni mustahkamlash hamda mamlakatning tent-pegging sporti kelajagini shakllantirishdagi faol ishtirokini kengaytirish uchun yangi imkoniyatlar yaratadi.
Bugungi kunda O‘zbekiston o‘zini istiqbolli va jadal rivojlanayotgan ot sporti markazi sifatida namoyon etmoqda hamda tent-peggingni jahon miqyosida ommalashtirishga salmoqli hissa qo‘shmoqda.
Reklama huquqlari asosida.