Samsung kompaniyasi Galaxy S23`ga o'xshash Galaxy A34 va A54 smartfonlarini chiqardi
Samsung kompaniyasi yangi o’rta toifadagi Galaxy A34 va Galaxy A54 smartfonlarini taqdim etdi. Tashqi tomondan, ular flagman Galaxy S23 liniyasiga o’xshaydi.
Ikkala telefon ham FHD+ qo’llab-quvvatlaydigan, 120 Gs yangilanish tezligi va maksimal yorqinligi 1000 nitgacha bo’lgan Super AMOLED ekranlarini oldi. Galaxy A34 displey diagonali 6,6 dyuym, kichikroq Galaxy A54 esa 6,4 dyuym. Barmoq izlari skanerlari ekranlar ostida joylashgan.
Yangi modeldagi smartfonlardan biri — A34 ichida MediaTek’dan Dimensity 1080 chipi, A54'da esa Samsung’dan Exynos 1380 mavjud. Ikkala yangi mahsulot ikkita xotira versiyasiga ega bo’ldi — 6/128 GB va 8/256 GB, shuningdek, 1 TB gacha bo’lgan microSD kartalarini qo’llab-quvvatlash imkoniyati. 5000 mA/soat quvvatga ega smartfon akkumulyatorlari 25 Vt gacha quvvat manbalari bilan zaryadlanishi mumkin.
A34 48 megapikselli asosiy kamera (optik tasvir barqarorligi — f/1,8), 8 megapikselli ultra keng burchakli (f/2,2), 5 megapikselli makro kamera va 13 megapikselli old kamera bilan jihozlangan. A54 50 megapikselli asosiy kamera (optik tasvir barqarorligi, f/1.8 diafragma), 12 megapikselli ultra keng (f/2.2), 5 megapikselli makro (f/2.4) va 32 megapikselli old kamerasiga ega bo’ldi.
Yevropada Samsung Galaxy A54 va Galaxy A34 narxi:
- A34 6/128 GB — 390 yevro (4 725 000 so‘m);
- A34 8/256 GB — 460 yevro (5 572 000 so‘m);
- A54 6/128 GB — 490 yevro (5 936 000 so‘m);
- A54 8/256 GB — 550 yevro (6 663 000 so‘m).