“Aka-uka Karamazovlar” baleti

Alisher Navoiy nomidagi Davlat akademik katta teatri sahnasida Boris Eyfmanning “Aka-uka Karamazovlar” baleti namoyish etiladi.

Bu Toshkentdagi Xalqaro opera va balet festivali dasturi doirasida oʻtkaziladi. “Aka-uka Karamazovlar” baleti rossiyalik klassik yozuvchi Fyodor Dostoyevskiyning shu nomli asari asosida sahnalashtirilgan.

1995-yilgi spektakl 2013-yilda Boris Eyfman tomonidan tubdan qayta sayqal berilgan va unda shaxsiy kechinmalar hamda aql-zako jihatdan mazmunga yanada boy balet dramasi yaratilgan. Balet S. V. Rahmaninov, R. Vagner va M. P. Mussorgskiy kabi klassik bastakorlarning musiqa sadolari ostida boʻlib oʻtadi.

Chipta narxi: 100 000 soʻmdan 800 000 soʻmgacha.
Chiptalarni ushbu havola orqali xarid qilish mumkin.