Ra'no Shodiyeva Sankt-Peterburgdagi kinofestivalda mukofotlandi
Rossiyaning Sankt-Peterburg shahrida oʻtkazilgan VI “Lendoc Film Festival"da Ayub Shahobiddinovning “Bahorni quvib” kinokartinasi ikkita nominatsiyada eng yaxshi deb topildi. Bu haqda Kinematografiya agentligi matbuot xizmati xabar berdi.
Qayd etilishicha, festivalda Belarus, Qozog‘iston, Qirg‘iziston, Tojikiston, Turkmaniston, O‘zbekiston rejissyorlari suratga olgan filmlar, shuningdek, Yevropa va Hindistondan kelgan mehmonlar ishtirok etgan.
Ma’lumot uchun, rejissyor Ayub Shahobiddinovning “Bahorni quvib” filmi tanlov dasturiga kiritilgan. Kinokartina ssenaristi Erkin A’zam “Eng yaxshi ssenariy” nominatsiyasida, bosh rol ijrochisi Ra’no Shodiyeva “Eng yaxshi ayol roli” nominatsiyasida mukofotlandi.
“Bahorni quvib” filmida oʻzbek ayoli kechinmalari va insoniy munosabatlar haqida hikoya qilinadi. Avvalroq Ra’no Shodiyeva Shanxaydagi xalqaro kinofestivalda “Eng yaxshi aktrisa” deb topilgandi.
Hafta artisti: Ra'no Shodiyeva
O‘zbek kinosining oltin davrini eslasak, ko‘z oldimizga bir nechta unutilmas qiyofalar keladi. Aktyor yoki aktrisalarni muxlislar qaysidir roli sabab yomon koʻrib qolishi mumkin, ba'zi san'atkorlarda buning ortidan "xeyterlar" koʻp, lekin bugungi qahramonimiz "xeyteri yoʻq" kam sonli aktrisalardan biri. U – Ra'no Shodiyeva.
Ra'no Shodiyeva Shanxaydagi xalqaro kinofestivalda "Eng yaxshi aktrisa" mukofotini qoʻlga kiritdi
Xitoyning Chongqing shahrida bo‘lib o‘tayotgan Shanxay hamkorlik tashkilotiga a’zo davlatlar kinofestivalida Ra'no Shodiyeva "Bahorni quvib" filmidahi roli uchun "Eng yaxshi aktrisa" mukofotini qoʻlga kiritdi.