“Birinchi renessans. Yuksalish” nomli tasviriy san’at asarlari kо‘rik-tanlovi e’lon qilindi

О‘zbekiston xalq rassomi, professor Bahodir Jalolov tashabbusi bilan Kamoliddin Behzod nomidagi Milliy rassomlik va dizayn instituti talabalari o‘rtasida “Birinchi renessans. Yuksalish” nomli tasviriy san’at asarlari kо‘rik-tanlovi e’lon qilindi.

Tanlovning maqsadi — Xorazm Ma’mun akademiyasining jahon sivilizatsiyasini rivojlantirishdagi tarixiy hissasini targ‘ib qilishdir, deya qayd etdi tashkilotchilar.

Tanlovda g‘olib deb topilgan 3 ta ijodiy ish mualliflari quyidagi miqdordagi pul mukofotlari bilan taqdirlanadi:

• 1-о‘rin — 10 million sо‘m;
• 2-о‘rin — 5 million sо‘m;
• 3-о‘rin — 3 million sо‘m.

Tanlov 2024-yilning 9-apreliga qadar davom etadi.

Tanlovning batafsil nizomi ushbu havolada.