Seshanba kuni qor va yomg‘ir yog‘ishi kutilmoqda
Dushanba kuni kunduzi O‘zbekiston hududi bo‘yicha havo biroz o‘zgarib turadi, yog‘ingarchilik kutilmaydi, kunning ikkinchi yarmida havo +8…+13 darajagacha isiydi, deya xabar bermoqda “O‘zgidromet” xizmati.
18-dekabr kuni shimoli-g‘arbiy hududlariga nam havo kirib kelishi kutilmoqda. Qoraqalpog‘iston Respublikasi va Xorazm viloyatida ba’zi joylarda biroz qor yog‘adi.
19−21-dekabr kunlari davrida havo harorati kechalari −0…−5 darajagacha, shimolda −5…−10 darajagacha, kunduz kunlari −2…−7 darajagacha pasayadi, bu ushbu davr uchun bo‘lgan me’yoriy qiymatlardan 2−3 darajaga pastdir.
22-dekabrdan harorat ko‘tarila boshlaydi, kunduz kunlari havo +7…+9 darajagacha isiydi. Havoning isishi keyingi dam olish kunlarida ham davom etadi.
Toshkent shahrida dushanba kuni yog‘ingarchilik kutilmaydi, harorat +9…+11 daraja bo‘ladi. Seshanba kuni vaqti-vaqti bilan biroz yomg‘ir yog‘adi, qorga aylanishi mumkin. Shamol sharqdan 5−10 m/s tezlikda esadi, 12−15 m/s gacha kuchayadi. Harorat kechasi +1…+3 daraja, kunduzi +3…+5 daraja bo‘ladi.
20−22-dekabrda yog‘ingarchilik kutilmaydi, kechasi va ertalab tuman tushishi mumkin. Harorat kechalari asosan −2…+1 daraja, kunduzi 20-dekabrda +3…+5 daraja bo‘ladi, 21−22-dekabrda +7…+9 darajagacha asta-sekin ko‘tariladi.