Bu yil ham Yangi yil bayrami qorsiz oʻtadi
O‘zgidromet`ning xabar berishicha, bu yil ham O‘zbekiston aholisi Yangi yil bayramini qorsiz kutib oladi.
29-dekabr kuni respublika hududiga sovuq va nam havo kirib keladi. Ertalab respublika bo‘yicha ba’zi joylarda yomg‘ir yog‘ishi, tog‘larda yog‘ingarchilik (yomg‘ir, qor) boshlandi.
Toshkent shahrida 29-dekabr kuni yomg‘ir yog‘adi, qorga aylanadi. Shamol g‘arbdan 3−8 m/s tezlikda esadi, vaqti-vaqti bilan 12−15 m/s gacha kuchayadi. Kunning ikkinchi yarmida harorat 0…+2 darajagacha pasayadi.
30−31-dekabr va 1−2-yanvar kunlari yog‘ingarchilik kutilmaydi. Kechasi va ertalab tuman tushishi mumkin.
Harorat 30-dekabrda kechasi −1…−3 daraja, kunduzi +4…+6 daraja, 31-dekabr va 1−2-yanvarda kechalari −3…+2 daraja bo‘ladi, 31-dekabr va 1-yanvarda kunduz kunlari +11…+13 darajagacha asta-sekin ko‘tariladi, 2-yanvarda +7…+9 daraja bo‘ladi.