Sharqshunoslik universiteti yaqinida 180 million dollarlik turar-joy majmuasi qurilishi mumkin

Poytaxt markazida, Toshkent davlat sharqshunoslik universiteti yonida yirik turar-joy majmuasi qurilishi rejalashtirilgan. Loyiha qiymati 180 million dollarni tashkil etadi, deb xabar beradi “Oʻzbekiston 24” telekanali.

Loyiha Mingo‘rik mahallasi hududida amalga oshirilishi rejalashtirilgan. Qurilish va uy-joy kommunal xo‘jaligi vazirligining bosh reja saytidagi ma’lumotlarga ko‘ra, mahalla hududining bir qismi konservatsiya zonasiga (universitet joylashgan joy) kiradi, kichik qismi esa rekonstruksiya zonasiga tegishli.

4 gektar maydonda 10 ta bino quriladi, jumladan:

• 1 371 xonadon (~5 486 istiqomat qiluvchilar uchun);
• Eng baland bino 30 qavatdan iborat boʻladi.

Shuningdek, turar-joy majmuasi hududida quyidagilar ham qurilishi rejalashtirilgan:

• 540 oʻrinli bolalar bogʻchasi;
• 1 200 oʻquvchiga moʻljallangan maktab;
• 3 000 kishigacha ishlashi mumkin bo‘lgan 60 000 kv.m xizmat ko‘rsatish obyektlari.

Loyiha seysmik qarshilik (8 ballgacha), gidrogeologiya, sanitariya me’yorlari va yongʻin xavfsizligi boʻyicha barcha zarur xulosalarga ega.