Toshkentda havo sifatining yomonlashuvi bir necha kun davom etishi mumkin
Toshkentda havo sifati yana keskin yomonlashdi, deb xabar qilmoqda O‘zgidromet. Soat 20:00 holatiga koʻra, PM 10 darajasi 373 mkg/m³ ga yetdi, bu ruxsat etilgan maksimal chegaradan 1,2 baravar yuqori (MPC 300 mkg/m³).
Xavfliroq PM 2,5 zarralari bilan bogʻliq vaziyat bundan ham yomonroq: ularning kontsentratsiyasi 202 mkg/m³ ni tashkil etdi, ya’ni milliy kunlik chegaradan 3,4 baravar yuqori (MPC 60 mkg/m³).
Nega ifloslanish oshdi?
O‘zgidromet ko‘rsatkichlarga harorat o‘zgarishi kuchli ta’sir ko‘rsatganini tushuntirmoqda. Keskin o‘zgarish atmosfera inversiyasini yuzaga keltiradi — bu holat sovuq havo iliq havoni yer yuzasida “qamab qo‘yadigan” vaziyatdir. Bunday paytlarda ifloslanish yuqoriga ko‘tarilmaydi, aksincha, havoning yer yuzasiga yaqin qatlamida to‘planadi, natijada zararli zarrachalar konsentratsiyasi ortadi.
Bu qancha davom etadi?
Sinoptiklarning fikricha, mamlakat bo‘ylab bunday ob-havo sharoiti yana bir necha kun davom etishi mumkin, shuning uchun havo og‘ir va ifloslangan bo‘lib qoladi.
Aholi uchun tavsiyalar
“O‘zgidromet” poytaxt aholisi va mehmonlarini xavfsizlik choralariga rioya qilishni so‘raydi:
- ko‘chada bo‘lish vaqtini qisqartirish, ayniqsa ertalab va kechqurun;
- ko‘chaga chiqishda niqob taqish (afzali FFP2/KN95 toifasidagi);
- kuyindi hidi sezilganda, derazalarni yopib qo‘yish;
- ochiq havoda jismoniy zo‘riqishlardan saqlanish.
Shuningdek, biz havo ifloslanishi kuzatilganda qilinishi kerak boʻlgan choralar va uyda zerikmaslik uchun nimalar qilish mumkinligi haqida Afisha tavsiyalarini bergan edik.
Uyda qolamiz: zerikmaslik uchun nimalar qilish mumkin? Afisha tavsiyalari
Bunday paytda, uyda qolgan yaxshi. Oʻzgidromet ham havo ifloslanishi ortib ketganini e'lon qilib, tashqariga chiqqanda ehtiyot choralarini koʻrishni tavsiya qilmoqda. Avvalroq biz havo ifloslanishi kuchaygan paytda nimalar qilish va nimalarga e'tibor berishga kerakligi haqida material tayyorlagandik. Endi esa uyda qolish boʻyicha "yoʻriqnoma" tayyorlaymiz. Xoʻp, shu sabab bilan uyda qoldik ham deylik, qanday qilib vaqtni mazmunli oʻtkazish va zerikmaslik mumkin? Ba'zi variantlarni koʻrib chiqamiz.
Havo ifloslanishi kuchaymoqda: nimalar qilish kerak?
Afisha.uz bunday holatlarda qilish kerak bo‘lgan ehtiyot choralari va tavsiyalarni berib oʻtadi.