Statistika: O‘zbekistonliklar eng ko‘p qaysi davlatlarga safar qilmoqda?

2025-yilning yanvar-oktyabr oylarida 6,4 million nafar O‘zbekiston fuqarolari turistik maqsadlarda chet elga safar qilgan. Bu haqda Milliy statistika qo‘mitasi xabar berdi.

2025-yilning 10 oyida O‘zbekiston fuqarolari eng ko‘p safar qilgan davlatlar:

• Qirg‘iziston — 2,8 mln nafar;
• Qozog‘iston — 1,2 mln nafar;
• Tojikiston — 1,1 mln nafar;
• Rossiya — 370,1 ming nafar;
• Saudiya Arabistoni — 237,1 ming nafar;
• Turkiya — 230,8 ming nafar;
• BAA — 114,1 ming nafar;
• Misr — 56,2 ming nafar;
• Xitoy — 39,6 ming nafar;
• Vyetnam — 32,8 ming nafar;
• Boshqa davlatlar — 204,1 ming nafar.

Qayd etilishicha, bu ko‘rsatkich o‘tgan yilning shu davriga nisbatan deyarli 1,3 million nafarga yoki 24,7 foizga oshgan.

Ma’lumot uchun, Qirgʻiziston 2024-yilda ham, 2023-yilda ham oʻzbekistonliklar eng koʻp tashrif buyrugan davlat boʻlgan.