Oʻzbekistonda ilk marotaba IT'ga bagʻishlangan teatr festivali boʻlib oʻtadi

Oʻzbekiston Madaniyat vazirligi, Raqamli texnologiyalar vazirligi hamda O‘zbekiston davlat yosh tomoshabinlar teatri hamkorligida 25−30 aprel kunlari “XXI asr bolalari” birinchi xalqaro bolalar teatrlari va IT festivali boʻlib oʻtadi.

Mazkur festivalni o‘tkazishdan maqsad madaniyat va IT sohalarini birlashtirish, kelajak avlod tarbiyasi va shaxs kamolotida ijodiy salohiyatni rivojlantirishdan iborat.

Festivalda O‘zbekiston, Ozarbayjon, Gruziya, Belarus, Kipr, Qalmog‘iston Respublikasi (Rossiya) davlatlaridan 60 ga yaqin ijodkor ishtirok etadi. Dasturdan rasmiy ochilish marosimi, OAV ishtirokida xalqaro matbuot anjumani, IT mavzusiga bag‘ishlangan spektakllar namoyishlari, ijodiy davra suhbatlari, fotosessiyalar o‘rin olgan.