Ramazon hayitida o‘zbekistonliklar ketma-ket 3 kun dam oladi
O‘zbekistonda 2024-yilgi Ramazon hayiti 10-aprel kuni nishonlanishi e’lon qilindi. O‘zbekistonliklar bayram munosabati bilan ketma-ket uch kun dam oladi.
2023-yil 22-dekabrdagi PF-213-sonli prezident farmonida 11-aprel, payshanba kuni barcha xodimlarga qo‘shimcha dam olish kuni etib belgilangan. 12-aprel, juma kuni esa 6 kunliklarga qo‘shimcha dam olish kuni, 5 kunliklarga esa 13-aprel, shanbadan ko‘chirilgan dam olish kuni bo‘ladi. Bayram munosabati bilan dam olish kunlari quyidagicha bo‘ladi:
- 10-aprel, chorshanba — Ramazon hayiti kuni;
- 11-aprel, payshanba — barcha uchun qo‘shimcha dam olish kuni;
- 12-aprel, juma — 6 kunliklarga qo‘shimcha dam olish kuni, 5 kunliklarga 13-aprel, shanbadan ko‘chirilgan dam olish kuni;
- 13-aprel, shanba — barcha uchun ish kuni;
- 14-aprel, yakshanba — barcha uchun dam olish kuni.
9-aprel bayram oldidan qisqa kun. Shu kuni barcha xodimlar bir soat avval ketishi mumkin.
Avvalroq O‘zbekistonda bayram kunlari qanday ob-havo kuzatilishi ma’lum qilingandi. Shuningdek, Toshkent metropoliteni Hayit kuni odatdagidan bir soat erta, soat 04:00 dan ish boshlashi e‘lon qilingandi.