O‘zbekistonda Milliy futbol markazi ochildi

Toshkent viloyatining Yuqorichirchiq tumanida milliy futbolni rivojlantirishga mo‘ljallangan zamonaviy majmua — Milliy futbol markazi ish boshladi.

Markaz Oʻzbekiston futbolini rivojlantirishda muhim bo‘g‘inga aylanadi. Bu yerda bir vaqtning o‘zida oltita terma jamoaning o‘quv-mashg‘ulot yig‘ini o‘tkazilishi mumkin. Buning uchun stadionlar, o‘quv binolari, sport zallari, mehmonxona barpo etilgan. Plyaj futboli maydoni, futzal maneji, suzish havzasi va reabilitatsiya bo‘limi qo‘shimcha jihozlangan.

Kompleks toʻrtta ixtisoslashgan tuzilmaga ega:

• Futbol oʻquv va tadqiqot markazi;
• Futbol bo‘yicha milliy terma jamoalarni tayyorlash markazi;
• Respublika futbol akademiyasi;
• Sport tibbiyoti va reabilitatsiya markazi.

Sport tibbiyoti markazida futbolchilarga yuklamalardan keyin tezroq tiklanishga yordam beradigan zamonaviy xorijiy uskunalar o‘rnatilgan. Akademiyaga Argentina, Vengriya va Xorvatiyadan mutaxassislar taklif etilgan bo‘lib, ular murabbiylar, hakamlar, tahlilchilar, seleksionerlar va futbol menejerlarini tayyorlashda ishtirok etadi. Shuningdek, majmuada VAR markazi ham tashkil etilgan.

Yangi obyekt ishga tushirilishi bilan O‘zbekistonda futbol tizimida yosh iqtidorlarni tanlash va ularni akademiyada tarbiyalashdan tortib, milliy terma jamoalarni xalqaro standartlarga javob beradigan zamonaviy bazada tayyorlashgacha rivojlanishi mumkin.